Хайртай гэж дуу алдах хэрэггүй,залуу минь
Худал гэдгийг нь мэдэж байна
Тэвэрмээр, үнсмээр байна гэж мөрөөдөхөө больдоо
Тэртэй тэргүй биелэхгүй

Би, Эелдэг санагдсан уу
Эгдүүтэй харагдсан уу
Энэ бүхэн чиний хайртай адил
Эргэлзээгүй хуурмаг гэдгийг л ойлгочих

Намайг эрхлүүлмээр болсон уу
Налж суугаад дуулмаар санагдсан уу
Насан турш хамт байхгүйгээс хойш
Намуухан байгаа дээр нь энэ давалгааг хашчихъя

Хайртай гэж хичээн шивнэх шаардлагагүйдээ
Хонгор минь би даан ч итгэхгүй
Уулзахсан, учирахсан гэж тэмүүлээд яахавдээ
Угаасаа бидний тавьлан зангирч зурагдсангүй

Баяртай гэлгүй зүгээр л явдаа, залуу минь
Багахан ч гэсэн сайхан дурсамж үлдээедээ
Хайртай л гэж битгий дэмий хэлээрэй
Хойшид дахин харагдах ч хэрэггүй биздээ